PILOTAREN EZAUGARRIAK

Pilotaren erresistentziaz hitz egiterakoan, erresistentzia mota desberdinez hitz egin behar dugu. Izan ere, kirol hau ez da atletismoren antzeko modalidadeetan bezala sailkatzen. Hainbat berezitasun ditu mugitzeko ahalmen, bide metaboliko eta lan/atseden erlazioarekiko. Aztertzerako orduan, askosaz sakonago azter genezake, baina guk, faktore gutxi batzuk aztertuko ditugu, gure testaren ingurukoak hain zuzen ere. Hona hemen pilotaren ezaugarri orokor batzuk.

Pilota, gihar erresistentzi orokorra deritzon motaren barruan sailkatzen da, izan ere, erresistentzia gihar masaren bolumen totalaren 1/7-1/6 baino handiagoa izaten da. Mota hau ere ordea beste bi azpimultzotan bereizten da, orokor anaerobikoa edo orokor aerobikoa. Gure kirola ez da batean bakarrik zentratzen izan ere, partidaren luzerak, erresistentzi aerobikora garamatza zuzenean, baina tantuaren iraupen laburrek, eta deskantsu luzeek, erresistentzia anaerobikorantz. Beraz, erresistentziataz hitz egitean, eta informazio iturri batzuk aztertuz, epe luzeko errendimendu ahalmen anaerobikoaren ezaugarriak dituela ohartu gara:

• Iraupen maximoa: 30 eta 90 arteko segundo
• Errendimendua zati berdinetan ± sistema energetiko aerobiko eta anaerobikoetan oinarritzen da
• Segundo batetik bestera izan daitezkeen errendimendu jaitsierak kuantifikatu daitezke

Azkenik, aipatu, lehen esan bezala, ez dela atletismoko probak bezela sailkatzen den kirola, izan ere, bertan, arerioa dela eta, joko desberdinak eta mugimendu aldaketak sor daitezke. Gainera, pilota kolpatu behar denez, indar batekiko erresistentzia lanak ere garrantzi handia du. Iñigo Gallagak, bere liburuan aipatzen duen bezela, pilotaren erresistentzia bi motetan banatzen da: Desplazamenduarekiko erresistentzia, eta kolpeekiko erresistentzia (guk ez dugu hau sakonduko, izan ere test-ean, desplazamenduarekiko datuak aztertu baititugu).